Skip to main content Skip to office menu Skip to footer
Capital IconMinnesota Legislature

Legislative News and Views - Rep. Samantha Vang (DFL)

Back to profile

Legislative Update (Hmong) - March 25, 20119

Monday, March 25, 2019

Nyob zoo sawvdaws,

Ua tsaug rau nej txoj kev xav paub txog cov haujlwm tseem ceeb uas tshwm sim hauv peb lub tsev dawb hauv xeev Minnesota. Ob peb yam uas peb tau sib lub zog los txhawb nyob rau hauv qab no. Thov hu rau kuv yog koj muaj lus nug los yog muaj tswv yim thaum twg los tau.

Cov Tub Rog Nyab Laj Teb

Representative Tou Xiong sau ib tsab cai kom hwm peb cov tub rog Hmoob uas pab teb chaws Asmeskas thaum lawv ua tsov ua rog nrog teb chaws Nyab Laj. Peb tsim nyog hwm thiab pauj txiaj ntsim rau peb cov tub rog Hmoob, vim li ntawd, peb tau ua tsab cai tsim ib hnub rau Hmoob cov tub rog.

Tsab cai qhia txog nyiaj txiag rau cov menyuam kawm ntawv hauv High School

Coob tus menyuam kawm ntawv hauv high school tsis tau paub txog nyiaj txiag. Thaum lawm kawm high school tiav, lawm mam li them nuj nqis rau thawj zaug. Txoj cev paub txog nyiaj txiag yog ib cov tseem ceeb heev, vim li ntawd, Representative Kaohly Her thiaj li sau tsab cai no. Tsab cai nov sau haiv tias chev kawm ntawv yuav tsum qhia txog kev nyiaj txiag.

Kev Tiv Thaiv Cov Laus Ntawm Kev Tsim Txom

Lub xeev Minnesota yog tib lub xeev uas tsis muaj ntaub ntawv, los yog lisence, tso cai ua cov tsev pab cov laus, los yog assisted living facilites. Thaum tsis muaj ntaub ntawv tso cai rau cov tsev pab cov laus, tsis muaj neeg saib xyuas lub tsev thiab tej thaum muaj neeg tsis ncaj ncees tsim txom cov laus. Vim li ntawd, Representative Jennifer Schultz thiaj li sau tsab cas no. Peb xav kom peb cov laus muaj chaw zoo mus so.

Kev Tiv Thaiv Txoj Kev Tsim Tsom Los Ntawm Phom

Peb tau hnov tias coob tus neeg pejxeem tsis xav kom muaj kev tsim tsom los ntawm phom hauv Minnesota lawm. Vim li ntawd, kuv thiab lwm cov Representatives sau thiab ua tsab cai kom yauv tsum tshawb xyuas neeg cov ntaub ntawv kom zoo ua ntej neeg yauv tau phom, li ntawd neeg phem tias li yauv tsis tau.